الصفحة الرئيسية
التشرميل
هي ضاهرة بالفعل دخيلة و تقدر تكوون معاها و ضدها في نفس الوقت ،، أنا
بالفعل مع التشرميل و ضد التشرميل ،، معآاه حيت التشرميل كستيل ديال اللبس
سبورتيڤ زوين و ما فيه تا عيب و يكدب عليك كداب يقوول ليك ستيل خايب و لكن
راه شي وحدين لي خلاوه يولي خآيب ،، هاد اللبس هو غالبا مرتآبط بالأسر
المتوسطة و الفقيييرة و ما عمرك تشوووف الناس لي لاباس عليهم كيلبسو داك
اللبس إلا في حالات نادرة و نادرة بزآآف دونك متافقين كاملين كوون داك اللبس ماشي عايب
و لكن شنوو لي عيب فييه !! العيب هو الأغرآاض لي ولات كتستعمل خلف هاد
اللبس و ولا بحآل الكود بين الشفارة و كيتعرفو بيه ،، و بحآل لا كيقول ليك
أنا شفرت و تكسيت يعني فيما يبان ليك لبس شي حطة جدييدة عرفوو ضرب شي همزة
كبيييييرة.
https://www.facebook.com/lesghozo.ma
و
من هنا تغيارت النضرة ديال الناس لصحآب هاد اللبس حيت الإرماكس و النايك و
الإديداس ولات مرتابطة بالشفرة ،، و هنا جمعنا تا الناس لي مساكن كيلبسو
داك اللبس بلا هدف معين ،، غير كيعجبوو و صافي و هاد الناس كيتسماو بصحاب
التشرميل الكيليميني ،، داك الشي تيكون مسليمينو و أسورتي مع بعضياتووو
و للأسف في بلآاصة ما تتكلم الصحافة ديال جووج دريال على الشفارة و حداتهم و عرضآت الأسباب لي خلاتهم يشفروو ،،
كيجمعوو داك الشي كلشي و خلقوو بيه غا موضووع لي سماوه موضووع الساعة باش
يربحوو منو الفلوس و صافي ،، دونك ما كانش عندوو هدف معيين
الأسباب لي
تخلي بنادم يشفر في هاد البلاد هو الفقر و قبل ما نحاكموو أي واحد بتهمة
الشفرة خاصنا نعرفوو الكونتيكس لي تربا فيه لا كان في عائلة فقييرة فهوو ما
خاصووش الحبس و لكن خاصاه فرصة و إداعة التوجيه ديالوو ،، نقلبوو ليه على
خدمة و ديك الساعة غادي نلقآو الحلول لي تخلي بنادم ما يشفرش
أما لا ماكانش محتاج للفلوس كيما الريوس الكبار دآبا لي كيشدوو الملاين كل شهر و لكن كيشفروو هادو هوما لي خاصهم الحبس
داك الشي علآاش غا نبقآو في بلآاصتنا و في بلاصت نقضيو على الشفرة كنوليو
كنزيدو فيها ،، حيت نتا مني غادي دخل للحبس واحد لي ما عندوو تا دنب و
مالاقي لا خدمة لا ما ياكل و دخلوو للحبس بلا ما تلقا ليه حل ،، فهو غادي
يخرج حاقد كتر من الأوول للأسف.
مني
كنقولو التشرمي كنقولو عدة مدن و خصووصا خصووصا المدينة لي نايض فيها
الصدآاع بزآافو هي كازا و خصووصا النقط السوداء ديالها لي المغرب كامل
تيعرفهم متلا السباتا درب الكبير درب العفو لالة مريم سيدي عثمان ... و
المدن الأخرة لي واخا هكآاك فيهم هاد الشي قليل بزآاف ،، كيخص لجنة تتشكل و
دوور على دووك الأحياء و تخلق فيهم فرص شغل للشباب ديالهم و يحلوو ديور
شباب و مدارس للناس أولا للجيل القادم و نوعيوهم ،، و
أيضا كيخص الدووولة إلا ما قدآارش تمنع الحشيش حيت مستحيل تمنعوو الدولة
،، كيخصها تقنن البيع ديالوو و يكوون مرخص له و للناس لي بالغين و بكميات
محدووودة كيما دارو في أمريكا ،، حيت الدوولة هي لي باغا الحشيش يتبآع ماشي
ما باغاهش كيف كيعتاقد البعض ،، و أيضا تحآول تمنع القرقوبي لي كلشي
عارفوو منين كيدخل للمغرب
هادوو غيت بعض الحلووول ،، أنا عارف راسي غا
داوي و ما كين لي كيسمع ليا ،، و لكن العيب هو نكون عارف شي حاجة و نخبييها
و داك الشي علآاش كنطرح هاد الحلوول و ما تعرف يقدر يمتزك ليا شي وآاحد
منهم.غالبا
لي كيلبسوو و تيكونو مشملين بالمعنى الخيب ديالها تيكوون عندوو مشكل نفسي
طبقي ،، يعني هاداك لي تيكون لاباس عليه و راكب البورش و البوڭاتي كيحس
بييه بحآل إلا هو خايد ليه بلاصتوو وكان بالإمكان يكوون هو في بلآاصتوو ،،
دونك كيقول داك السيد خدا ليا رزقي و تا أنا ناخد ليه رزقوو و نبان عليه
لدلك فيما كتبان ليه شي حاجة كيقول هآادي في الأصل ديالي و كيشفرهآا ،،
هادا هو الفقر يا خوتي و للأسف الدولة ما كتحاربش الفقر كيف خاصوو يتحارب و
كيف دار عمر بن الخطاب رضي الله عنه و بقينا هادكآا و بقاو المشآكل
و
بنادم رآه مشا ضحية عشرات الناس تشدووو بدوون سبب و السبب الوحيد ديالو و
هو لابس شي حاجة ولا محسن في شكل ،، للأسف ولينا بحال شي علماء ديال الدين
تيكفروو الناس بلبسهم و شكلهم.
التشرميل راه عقلية قبل ما يكون لبس ،، نتمنى يفهموو المعنيين هاد الكلمة مزيآان ،، المهم الموضووع سالا أ خوتي. :)
